claramente,
as rodas e os triángulos están feitos os uns para os outros

claramente,
estou dando voltas no espazo interradial do teu círculo
e iso explica a vértixe e o mareo da miña fronte

claramente,
faltan tan só catorce feiras para que as miñas fronteiras
sexan expulsadas pola GPU da túa curva perfecta

claramente,
ti es unha superficie redonda que rola e rola irmá terráquea do vento
eu son un caparazón de tres ángulos que tropeza e tropeza nos picos da pedra

claramente,
as rodas e os triángulos están condeados a separarse