non quixera ser testemuña dun alba recén manchada, como di a canción, pero a primavera de 2006 cheira estrano e o sol cando sae ten tres pintiñas negras na súa fazula esquerda. as noites (violentas algunhas delas) manchan, e non tan só dentro das unllas

na primavera de 2006 está prohibido arrincar froles para regalalas, e no caso de levar a cabo tal acción é obrigatorio rexeitalas. as palabras firen e as grullas cantan, todos somos unha fauna de animais borrachos e entolecidos anunciando apocalipses (que ben prenden certos panfletos autonomistas!)

pero a crise de actividades desta astenia primaveral tamén se traduce na busca dun permanente centro de gravidade e o ataque de desestabilización aguda a partir das 2 da noite

na primavera de 2006 hai que ter coidado e deixar de prestar atención a todo tipo de operación matemática (algunha con certos fin mnemotécnicos)